經歷。堅持。第２００篇送禮開獎結果

思前想後好多天 最後決定打出這篇文章
講的是我的經歷 為的不是要人同情
如果你真的沒興趣 那就離開吧
小嬌就是這樣的一個人
我的堅持跟過去有著很大的關係
如果你是我 你也會變得跟我一樣 或者 早就自殺了
請記得 看完後不用同情也不必安慰我 罵我的也不用了
我清楚我自己的想法
故事從中學時代開始 反正小學時期的我 最多也只是被恥笑
被安排例如是牛奶妹之類的別名而已
初中時代的我因為發育比別人好一點點
從來都得不到好的對待
女同學大都不喜歡我 雖然有著一兩個比較好的女生朋友
不過也不是交心的
男同學 一半很討厭我 另一半就是欺負我
沒有跟任何一個女同學比較好 閒時就只能跟男同學講話
其實我講話從來是粗聲粗氣的
無奈我也不知道為什麼那些男生越來越過份
經常在小息時對我毛手毛腳 大熱天 我毛衣也不會離身
曾經 我跟班主任提過這問題 ( 是男的班主任 )
他認為我是有心 ( 挑逗 ? ) 惹其他男同學的
當時的我只有十三歲 我憑什麼去這樣做 ?
當時沒有任何一個女同學會幫我
就算我哭了 也只是自己一個坐在地上哭
又有一次 我剛好去教員室找老師
某男同學見到我 很順手的一掌拍在我胸前
我當然一腳踢開他
又那麼剛好 老師看到我踢他 看不到他摸我
然後就這樣被定下死罪 我所做的都是自找的
最過份的一次 我差點被強姦了
還記得當天是因為要做好壁報板所以留堂
本來就剩我自己一個在課室
我不知道什麼時候跑來了兩個同班的男同學
我的書包被他們拿走了
還威脅我說如果要拿回 就給他們其中一個"搞" ( 當時他們是真的這樣講 )
我只能在課室一直躲 不讓他們抓到我
過了一下 剛好還有同學經過 我大叫救命 叫他去找老師
老師來到 我已經被按在地上
你不會想像到之後的結果
當時的我眼淚留出來了
老師叫我們起來 然後說了一句 " 這麼晚了 還不回家 "
就這樣把想強姦我的人放走
我一邊哭一邊回家
感覺就只是無助 因為我不夠勇敢 不夠堅持
反正那是一家很恐怖的鬼學校
我被非禮已經不止是一兩次
更什至 有另外的男同學把我扣住 不讓我離開當時的地方
然後有其他合夥回課室把我的東西偷走
被偷走的不止是錢 是爸爸送給我的手錶 還有當天要還給人的MD機
中一的下學期 我開始逃學
因為哭得太多 令身體變得更弱
每次逃學 我不是上街玩 而是 我都躲在被窩之中
如果你以為我的初中就這樣 那就請你繼續看下去吧
中二的那一年 我交了一個男朋友
他比我大 4 年還 5 年吧 雖然年少不知愛情
但有人安慰一下 總比沒有好
半年過後 惡夢就開始 他不是一個好的男生
只要吵架 就會打我 不是普通的打
拳打 腳踢 巴掌 用棍
第一次打我 我就說要分手
結果當然是我心軟 ( 令我今天如此堅強 他功不可沒 )
之後他再打我 我就報過警
不過男女糾紛 報警是沒用的
更誇張的是 我避開他 他在我家門口一直等
還把我家的門都拉爛 ( 是真的整個門扯開了 )
這段關係維持了四年 我被打了三年半
我經常滿身傷痕去上學
特別記得有一次 他吃了搖頭丸回來又打我
我痛到哭了 他把我拉出他的家門 ( 他住村屋 )
就扯著我的頭髮 把我的背脊在地上一直拖
拖到流血了 我鬧著要報警
他媽安慰我 我以為她是真心關心我
結果當然是錯了 因為她叫我不要報警 後來還補了一句 " 做女人就忍下啦 "
哀莫大於心死
我的四年能夠抵上別人一輩子的經歷
當中還包括背叛 . 我感覺到所以不快樂的事都發生在我身上
回到家裡 也是吵架
任誰都知道 那時候我跟家人是三日一小吵 五日一大吵
我跟我爸媽的年紀相差很多 在我的反叛期期間 遇著他們的更年期
正所謂火星撞地球 就是這樣
我跟別人最快樂的求學時期比較 好像真的差太多
我沒要好的同學 好朋友離開我 被非禮 差點被強姦
被打了 被背叛
我要定期見社工 看心理醫生
其實我沒病 正常人遇到這情況 也會想自殺吧
其實當中還有很多經歷給我省略了
怕你看下去也會看到瘋掉
今天的我 堅強 而且堅持
我不會像以前一樣
任誰有錯 我就指正
因為我知道只有堅持才能成就今天的我
我知道這樣去解釋我的堅持 好像有點太長篇
但我真的是這樣 沒有過去 就沒有今天的堅持跟堅強
感激你把以上的看完
也感激下面十位朋友的留言
對不起 禮物拖了很久
1 ) 小桃❤ 2011-05-21 00:26
我最鍾意都係小嬌介紹台灣
因為台灣係最經常去的了
我遲d 都會去第三次...哈哈...
有左小嬌既文....真係搵到好多寶物...
至於點解會支持小嬌,,,
就係小嬌有個人風格喇....講真...
要做一個出名既blogger ,其實個個既方法都不外影音,,教化妝..
不過我好欣賞小嬌好真性情...
唔會為左利益而裝模作樣!!

 

2 ) lauszeling 2011-05-21 11:12

我喜歡小嬌很有心,看了你們這幾天的罵戰,我只能說小嬌真的可以不怕別人,有實話說實話,這也是我最欣賞的.現在的blogger 界好像真的有點變質,大家打文好像是為了拿更多的試用,令到很多文章的可看度減低,究竟是否真的好用也可能是假的.blog本來是讓我們知道好物,將來可能變成一堆文章廣告,這得卻需要我們去改,如果我們想自己的小世界有人看,有人like.我最喜歡的文章是小嬌的9and 10.位什麼我會喜歡,因為我知道小嬌真的是試過,而不是隨便說,才介紹我們.你打文不是要製造人氣,而是真心要介紹.我在ztyle看得見真新打文的人你是第一各,近來發生的是使我知道你真的想blooger好.希望你繼續加油,有一個大大的心來接受或者與人辦論,信自己的良心

3 ) 彤彤tung** 2011-05-21 16:20

最先認識小嬌是因為一系列的"台灣 ૪ 等我教你輕鬆玩 ૪"~
也是我最喜歡的"小嬌文"~
覺得很詳細, 而且不是旅遊書上那些"行貨"的提醒/分享...
當時的印象是一個用心的台灣通~
後來一直關注小嬌...是欣賞小嬌的認真和直率...
無論是自己學化妝, 做生意...還是試用...都很用心...
尤記得sloggi那個...真的沒想到有人如此訓身...哈...APPRECIATE!
畢竟內衣試穿, 女生關心的就是出來效果怎樣...(剛剛看發現原來del了?)
另外也喜歡小嬌的直接! 雖然正正因為"不平則鳴", 最近掀起了小風波...
但其實小嬌你說出了很多人不敢說出口的想法...
還有還有~我這個小薯仔最近正好為澳門行而煩惱...
小嬌把所知道的都用心跟我分析, 分享...實在SURPRISED!
所以...支持支持支持啦~

 

4 ) yinyin^_^ 2011-05-21 16:44

我最鍾意睇你關於台灣既文章~~~~~~
因為台灣係我將來準備請媽咪去既地方
所以我鍾意你既介紹! 到時我一定會follow你既文章介紹去台灣架!
我一直支持你係因為你敢作敢為~~~~~
我性格比較介意人地點睇我 雖然有時遇到d野好想發洩
但都唔敢好似你咁敢表達!
同埋我一早就有上你既鋪頭買開野;
所以當係呢度遇到你既時候我真係好驚喜haha
果陣仲好興奮咁同屋企人講添哈哈(因為屋企人之前仲係樓上鋪時成日同我上) 而家諗番都覺得自己好無聊haha
anyway 希望你繼續介紹台灣俾我地認識啦

 

5 ) =Cherry= 2011-05-22 22:30

ummm...好喇~等我講下先~~ 我其實好鍾意睇小嬌介紹自己新鋪個d文因為可以睇得出你放左好多心機落去每個detail位都做得好好~好足~ 間鋪真係好似係咭片咁~ 一樣咁"華麗" 我諗好多人開鋪都係為左賺錢但係有時見到小嬌都好樂意幫我地代購其實搞代購真係唔容易見到好多sister好勇躍去買去玩去旅行要拎咁多幫人買既野....都幾困難.... 因為有時自己去旅行只係幫幾個fd買野~ 都會好重~~要質爆旅行箱所以我覺得小嬌真係好好人~ 亦都好願意同呢到既sis分享佢知道既優惠~ 我雖然只係見過小嬌一次~ 不過早早就已經好喜歡你率直既性格我自己覺得係網絡世界~其實好多人都帶住一層面具~因為大家見唔到大家既樣(亦有可能為左保障自己私隱) 你講到自己幾好都得~得閒用下唔同網名~~其他人都未必會知不過小嬌就真名真相真性情黎對待大家唔係個個人都做得到~ 不過都希望提提小嬌呢~~有時要好好保護自己~我諗你都識~因為大家都係成年人~ 我都唔想見到你比人中傷~受到傷害~~ 所以我真係好高興識到你呢個朋友~ 雖然我地唔係時時傾計~時時見~ 不過你出post~其實我有睇架~haha~ 不過有時唔知回咩~~就無reply~ 因為我唔想自己回一d無意義既post~e.g support~個d(p.s. 吹水post除外~) 大家一齊加油~~ forum個邊回...會無晒en... ...

 

6 ) yingbb 2011-05-22 19:39

因為我未玩ZTYLE, 我MISS左小嬌寫關於台灣的BLOG文, 真係好實用哩! 好後悔呀! 應該早點看完才去台灣麻! 結果自由行之旅傻下傻下咁~
我中意 第100篇發表 ! 穿對內衣 你也可以是周秀娜 再+特別煙薰妝 特賀 !! , 比較貨品既文章, 我最中意睇! 貨比3家, 睇呢篇文一次過睇哂台灣名牌子既BRA, GOODGOODGOOD! BTW, 自從呢篇文章, 我就認得小嬌你! 你真係好有GUTS! 到最近你出既文, 講關於BLOGGER 多次囉同樣試用既問題, 我超級同意! 未有直接跟你接觸, 但感覺你為人爽直, 夠勇! 有些意見想法跟你一樣, 但未有出文的勇氣! 最後, 小嬌, 你唔好為網上部分言論而唔開心, 世界上唔會所有人都喜歡你, 有人懂得欣賞你就很足夠哩! ( 愈講愈離題TIM =0= )

 

7 ) Siu.G 2011-05-23 00:36

我最喜歡小嬌既台灣文

因為我都好喜歡台北, 但只去過1次, 重要係鴨仔團黎.
宜家先知原來小嬌係台北王, 有左小嬌既台灣文,
準備既資料方便左, 買好野既地方/網址都知多左.
希望下次我可以去台北自由行

雖然小嬌冇打算同blogger發展成fd, 但我喜歡小嬌性格率直,
有個句就講個句. 我有時都係咁, 但係因為岩岩加入blog冇耐,
所以都唔係好清楚好多事既來龍去脈.

但我更欣賞小嬌咁年輕(其實我唔知你幾歲), 就做老闆娘了.
我都好希望自己可以開間舖, 賣自己中意既野.
雖然我都知做意生既野唔係咁易,
不如小嬌同我地分享下你創業心得
(如果出過唔好話我! 因為我入左黎1個月都冇)

 

8 ) ．＊草莓＊． 2011-05-31 20:56

最鐘意緊係睇你去台灣果D文~ 因為唔多人會講得咁詳細
而帶我地去買既地方同食既地方都有~ 草莓未好認識你之前都有睇過你呢D文
到同你熟左先會直接去問你～其實你俾左好多有用既意見我嫁 :)

至於點解會鐘意小嬌你..我都唔知道點解同你咁夾WO!
因為上次活動之後更加CLOSE?之後再幫你做化妝MODEL之後有傾有講
之後去台灣既問題又令到我地更加熟..同埋好多好多野...
喜歡你的真性情..同我一樣大癲大肺 哈哈 有時候我地仲好粗魯成日爆粗@O@
總知果種感覺係相處得好開心~  (點解好似講到同你表白咁既=.= 頂..)

哈哈~ 總知都係果句.... 實撐你/支持你既!希望你去日本之旅玩得開開心心!

 

9 ) Kylie 2011-05-31 23:59

呼, 到今日先記得要打黎抽獎haha, 因為要好好組織下. 我最中意你出你D JILL STUART 既文, 因為咁多個化妝品牌我最中意就系JILL STUART, 不過仲系學生唔可以成日買, 但系見到你D 文我對佢既愛就會有增無減haha 我無得買, 成日望下你D 文望梅止渴都好呀嘛-v- 我覺得小嬌你好有耐性又夠直, 其實你應該好忙, 但系每次出既文都好有心機, 我自己真系懶好多, 所以我佩服各位sis 架~ 直就系你既作風啦, 每次你遇到D 咩唔好同埋不滿, 你都會好認真而且毫不留情咁數曬出黎, 好有霸氣呀其實~~ 我都唔知點講@@ 而且你D 文字好有感染力唔知點解, 次次睇你鬧人既文我自己都會越睇越嬲xd 雖然你講野系直左D 不過blogger 界面面俱圓(不是貶義)既系好多, 好似你咁"串"既有D 少見, 所以新鮮感比較強烈xd 同埋你好好人, 我記得你個次幫tz 既sis 訂日雜, 條水蛇春既單我見到都驚, 何況你仲系負責人, 最後你都搞到好好, 好有責任感!! 個次真系辛苦曬你! 仲有呀, 好似你先頭出個篇內衣文, 真系好有勇氣!! 畢竟系香港blogger 十分少見, 好佩服你咁夠姜~~ 其實仲有其他架, 但一時之間我唔識表達出黎;) ...

 

10 ) georgianna 2011-05-21 04:43

講真，就算你唔搞抽獎我都會好樂意答你d問題！不過你搞開囉，就順便參加埋啦~~~ XDDD

其實我好鍾意睇你d關於台灣既文，因為覺得你成日去，所以識得好多野，d資料都好實用，好有參考價值！因為旅遊書都唔會咁詳細，而且台灣近近地，好多人都會去嘛~~

我鍾意你講野夠直夠爽，好多不平既野都係你講出黎！雖然有d人會覺得你係想"博出位"，但我覺得總比d搞小圈子既人好好多~~所以我buy你 ^^

希望你可以繼續出好post比我支持呀

 

 

 

以上的十位朋友 請把你的電話號碼 PM 小嬌
小嬌收齊所有朋友的 PM 後 再聯絡你們領取禮物
再次感謝所有朋友的留言
小嬌會於不久將來再搞抽獎 希望下次再看到你參加

 

 

就以上